Tibbi təchizaton və damon baxşədə, İroni de Rusiyə həmkoətiyon
Xorək və damon təşkiloti yol, tibbi təchizaton və damon baxşədə, ixracati roy hoston kardeyədə, İron və Rusiyə 2tərəfiyə həmkoətionku xəbəş do.
Bə İrna raporti əsos, Xorək və damon təşkiloti yol, Seyd Heydər Muhəmmədi de Rusiyə səhiyyə vəziri muavini vindemonədə işorəş kardə: İronədə iminnə maddon və damon təmin kardeyədə vəluto icod kardey mığdor 3.5 milyard dollare, əv ijən votışe: İronədə 9 həzo damon məhsul iyən 27 həzo damoni kod istehsol bəbe.
Heydəri ijən təsdiğış kardə: tib təchizaton baxşədə həm mığdori cəhəto, 60 faiz daxıli istehsoli ixtiyorədəy və dınyoədə 55 qılə kişvər, ,İroni daxıli istahsoli tib təchizaton ixracati məğsəd hestin.
Rusiyə səhiyyə vəziri muavin həm İron və Rusiyə səloməti rəsmi şəxson vindemoniku ıştə rizoyəti nışoş do və votışe: de tərtibinə vindemonon 2 qılə kişvəri miyono mehkəmə rabitəon nışonəy.
Im Rusiyə rəsmi şəxs ijən bəyonış kardə: 2 qılə kişvəri damon və səhiyyə təchizaton istehsoləkəyon miyono rabitəon mehkəm kardey zəminə mucude, əv ijən əlovəş kardə: veyə motiv mucude ta Rusiyə səhiyyə təchizaton və damon istahsoləkəyon ıştəni bə İron zıney bıkon, və ijən 2tərəfiyə həmkoətion icod kardeyro İroni şirkətonku dəvət bıbu.
