İron və Rusiyə miyono elmi və təlim həmkoətion hevuj bəbe

İroni xarıci vəzarətxonə beynəlxalğ və siyasi mutaliə mərkəzi rəyis de Rusiyə diplomatik akedemiya yoli və vindemoni cərəyonədə bə elmi və təhğiği baxşədə bıə 2 qılə kişvəron mərkəzon miyono əloğəon inkişofi təkid kardışone.

Bə İrna raporti əsos, İroni xarıci vəzarətxonə beynəlxalğ və siyasi mutaliə mərkəzi rəyis Muhəmməd Həsən Şeyxl İslomi iyən Rusiyə diplomatik akedemiya yol aleksander Yakovnko Tehronədə muzakirəon cərəyonədə təlim və təhğiğ sahədə təklifoni bəyon və çəy barədə sıhbət kardışone ki bə nezonədə icra bəbe.

Şeyxl İslomi və Yakovnko ijən bə 2 qılə kişvəri elmi mərkəzon miyono həmkoətion inkişofi təkid kardışone.

İron və Rusiyə baxşon əcumlə iğtisodi, hərbi və əmniyyəti məsələon barədə 2tərəfi həmkoəti kardən ijən reqional və beynəlxalğ sahədə de Amerkə unilateralizm siyasəton mubarizə bardeyro mıştərik mənafe tərif kardəşone ki ım məsələ tojə soronədə 2 tərəfi vindemonon bəyande nezi bois bıə.