Erməniston və Azərbaycan Respublika marzi nezədə daveon

Zinə sıb, Ermənistoni mudafiə vəzarətxonə xəbəş do ki Stok marzi şəhri nezədə Azərbaycan Respublika hərbiçion artileriya bə Ermənistoni hərbi vırəon həmlə kardışone.

Bə İrna raporti əsos ki Ermənistoni mudafiə vəzarətxonəku xəbəş do, ım həmlə cərəyonədə 3 nəfər zəxmin bıən.

Im vəzarətxonə ijən əlovəş kardə: Ermənistoni silohinə ğıvvon vahidon həminə barədə lozimə mudafiə hərəkəton əncom doşone.

Ermənistoni mudafiə vəzarətxonə ijən işorəş kardə: Azərbaycan Respublika rəsmi şəxson, co kərə nosəhihə məlumaton cə xəbəon muntəşir kardey holədən. Azərbaycan Respublika mudafiə vəzarətxonə səmtiku muntəşir bıə bəyoniyə ki hikayət kardedə Meyə manqi 10 minnə rujədə Ermənistoni qollə ğandey dumoədə, qıləy Azərbaycan Respublika sərboz zəxmin be, səhih ni.

Həmçınin raportış doə bbıə ki Azərbaycan Respublika silohinə ğıvvon bə zəxmin bıə ovoştoniyə ambulansi maşin həm qollə ğandışone.