Paşiniyan: Erməniston və Azərbaycan Respublika ıştə ərozi təmamiyyəti rəsmi zıneydən

Ermənistoni iminnə vəzir votışe ki ım kişvər və Azərbaycan Respublika bə Almati bəyoniyə əsos, ıştən ərzi təmamiyəti rəsmi zıneydən.

Azərbaycan Respublika və Ermənistoni miyono otəşbasti muğavilə ki Milodi 2020 minnə sorədə Ğərəboği 44 rujə canqi bə oxo rosnişe və bə 3tərəfiyə bəyoniyə məşhure, tosə ısət çand kərə darşiyə bıə.

Əmmo ım miyonədə Laçini vey muhimmə koridori dəbastey barədə ki Boku oxonə hərəkət be və de Azərbaycani hərbiçion vositə əncom bıə, vey kişvəron rəsmi şəxson və insoni həxon təşkiloton tərəfo məhkum bıə və ım hərəkət 2 qılə kişvəri miyono vey dave icod kardey cəhətədə zınəşe.

Bə Təsnim aqentiyəti raporti əsos, Zinə Ermənistoni iminnə vəzir Nikol Paşiniyan İsləndi Rikiyavikədə Avropa şura yolon iclosədə votışe: Bə Almati bəyoniyə əsos, rabiton normal kardeyro İrəvan və Boku təvafuğ kardışone.

Paşiniyan ki tojədən Bruccelədə de Azərbaycan Respublika prezident, İlham Əliyevi vindemon kardəş be,əlovəş kardə: 3 ruj çımiku bənav,de Avropa ittifoği şura yol, Çarlz Mişel vositəçiyəti bənav şey qəm peqətəmone və təkidış kardə ki Erməniston, 86.6 həzo kilometr Azərbaycan Respublika sərzəmini rəsmi zıneydə və Boku həm 29ş8 həzo kilometr, Ermənistoni sərzəmini rəsmi zıneydə.

Çımiku bənav həm Amerkə iddio kardəş be Vaşenqtonədə Boku və İrəvani sulh muzakirəonədə inkişof aid bıə be, əmmo Paşiniyan vottəş be ki həmçınan sulhi muğavilə navbənav nıvışteyədə veyə ixtilofon mucude.