Boku və İrəvani miyono otəşbast ijən Boku hərbiçiyon tərəfo darıştey be

Boku və İrəvani miyono otəş bast ijən Boku hərbiçion tərəfo ləğv be; İrəvan xəbəş doe ki Azərbaycan Respublika hərbiçion bə Ermənion tərəf qullə ğandəşone.

İrəvan ım manqədə bo çand minnə kərə Azərbaycan Respublika hərbiçionış bə 2 qılə kişvəri sərhədəsə bıə otəş basti şəroyeti ləğv karde mıtəhəmış kardə.

Məvuji tojə həmləon Qeğarkonik məntəğədə be.

Boku hərbiçion qullə ğandey barədə Fars aqentiyəti çı Ermənistoni mudafiə vəzorətxonə nəğliku xəbəş doe ki Kotakan di ətrofədə bə ermənion mənafe çandə zərbəoni varid bıə.

Həmlə zinə şəv de sıbıkə silohon əncom bıə əmmo sərhədədə şəroyet ısət çok raport bıdə.

Şəroyet və sərhədədə bıə vəziyət qılə holədə jığo de təhrikomizə hərəkəton dəvom kardedə ki 2 qılə kişvəri pulon sulh və muzakirəku qəp şedə.