Rəcəb Təyyib Ərdoğani səbarzəti dumoədə, Rəyisi təbrik mesaj

İron İslom Respublika prezident Seyd İbreym Rəyisi, qıləy mesajədə, tojədən Tırkiyə prezidenti səçınədə Rəcəb Təyyeb Ərdoğani səbarzəti təbrik votışe və ım səbarzəti, Tırkiyə milləti erjinə etımo bəy dəvom doey zınəşe.

Bə İran Peres aqentiyəti raporti əsos, İron İslom Respublika prezident Seyd İbreym Rəyisi, qıləy mesajədə, tojədən Tırkiyə prezidenti səçınədə Rəcəb Təyyeb Ərdoğani səbarzəti təbrik votışe və ıştə peştəvonəti nışoş do ki tojə dıvrədə, İron İslom Respublika iyən Tırkiyə Respublika dustanə rabitəon bə torix, mədəni, dini, çokə hamsuyəti əsos, 2 qılə milləti mıştərək və mıtəğabil ehtırom noey bois bəbe dəvardəku vey, İslom və mntəğə təhəvulaton barədə məntəğə inkişof, stabiləti və sulhi zumandətiro, vey çokə şəroyet icod bıbu.

Zinə  Tırkiyə millət, prezidenti səçıni 2minnə dıvrədə iştirokışon kardə və ım səçınədə Rəcəb Təyyeb Ərdoğan muvəffəğ bıə de veyə sədo bə dast vardey vositə bə səbarzəti bırəse.