Sulhi tojə muzakirəon astanədə Boku iyən İrəvani ittihom jey

Tojə votımononku 2 ruj bənav, Azərbaycan Respublika iyən Erməniston, Ğərəboği məntəğə barədə sulhi sazışi imzo kardeyro tojədən bə yande ittihom jəşone.

Bə İsna raporti əsos, Dışəmbə rujədə Ğərəboğədə məhəlli devləti məhv kardeyro, Azərbaycan Respublika prezident İlham Əliyevi tələbi bəpeşt, Erməniston, Azərbaycan Respublika təhdidış kardə.

Ermənistoni xarıci vəzorətxonə bəyoniyədə omə: İlham Iliyev etosniye təhdidi holədəy və bə Ğərəboği sakin bıə kəson ələyh co qılə təcavuzon hərəkətiro roy hoston kardey dumoədəy.

İşəmbə rujədə Laçin şəhrədə İlham Əliyev votışe: Milodi 2020 minnə sorədə Azərbaycan Respublika muvəffəğiyətonku bəpeşt, ə zəmon rəsə ki Ermənion Ğərəboği istiğloli bə kəno bınə.

İlham Iliyev ıştə sıxənonədə ki Azərbaycan Respublika devləti televeziyaku pevlo bıə, votışe: ım bə ım mənoe ki Azərbaycan Respublika prinsiponku , bə bəfodor və adi şəhrvandi əvəz bey və parlemanti məhv kardeye.