Azərbaycan Respublika və Ermənistoni mıştərəkə marzədə daveon

Tojədən Azərbaycan Respublika iyən Erməniston yande bə otəşbasti darşiye mıttəhəm kardən.

Azərbaycan Respublika və Ermənistoni miyono otəşbasti muğavilə ki Milodi 2020 minnə sorədə Ğərəboği 44 rujə canqi bə oxo rosnişe və bə 3tərəfiyə bəyoniyə məşhure, tosə ısət çand kərə darşiyə bıə. Azər və 2 qılə kişvəri hərbiçion çand kərə bə yande manrzon həmlə kardışone. Dəvardə haftəonədə həm ım daveon əlovə bıə jəğo ki Erməni və Azəri rəsmi şəxson cəhd kardedən Erməni və Azəri rəsmi şəxson sulhi təvafuği tojədən imzo kon.

Bə Fars aqentiyəti raporti əsos, seşəmbə rujədə Erməniston və Azərbaycan Respublika yande bə otəşbasti darşiye məttəhəm kardışone.

Azərbaycan Respublika mudafiə vəzorətxonə elanış kardə: Ermənistoni silohinə ğıvvon Ağdam və Şoşaədə bə Azəri hərbiçion vırəon həmlə kardışone.

Ermənistoni mudafiə vəzorətxonə vey rə Boku iddio rədış kardə. Im vəzorətxonə həmzəmon, Azərbaycan Respublika hərbiçion həmləonku şikilon muntəşir və elanış kardə ki ım kişvəri hərbiçion ım həmləonədə hiç kəs zəxmin ya kıştə bıə ni.