Əmirəbdullahiyan: Briks uzvon meylışon heste de İroni iğtisodi rabitəon zumand kon

İroni xarıci vəzir votışe: Briks vey muhimmə uzvon meylışon heste ki əlovə bə tojə qrupi çərçivədə yəni Briks nomo qrupi 2tərəfiyə həmkoətion, karde bıznəmon vey zumandə iğtisodi və ticori rabitəon həm əncom bıdəmon.

Cımə rujədə, Cənubi Afrika Kiptavenədə Briks qrupi xarıci vəziron iclos de Rusiyə, Çin, Hınd, Breziya və Cənubi Afrika iyən ım qrupi dustə kişəvron əcumlə İron İslom Respublika bərpo bıə.

Im iclosədə xarıci vəziron mevzuoni bənə məntəğə və dınyo, multilateralizmi oqətey, stabilə inkişof, itərəfiyə beynəlxalğə sanksiyaon iğtisodi təsiron, de terrorizm mubarizə bardey məsələon barədə votımonışon kardə.

Briks qrupi kişvəron miyono mıştərəkə puli vahidiku istifodə kardey və tojə uzvon ğəbul kardey əcumlə Briksi duston iclosədə co qılə mevzuon be.

Həminə cəhətədə və bə İran Peres aqentiyəti raporti əsos, İroni xarıci vəzir, Huseyn Əmirəbdullahiyan ki bə Cənubi Afrikasəfərış kardə, Briksi qrupi xarıci vəziron iclosi barədə votışe: ım iclosədə ki bə Briksi əsliyə uzvon, İroni uzv bey tələbi təğib kardeyro iminnə qəmon be, İron İslom Respublika muvəffəğ bıə ıştə nəzəon bəyon ko.

İroni xarıci vəzir ıştə sıhbəton dəvomədə votışe: Briks vey muhimmə uzvon meylışon heste ki əlovə bə tojə qrupi çərçivədə yəni Briks nomo qrupi 2tərəfiyə həmkoətion, karde bıznəmon vey zumandə iğtisodi və ticori rabitəon həm əncom bıdəmon.

Holihazırədə,Rusiyə, Çin, Breziliya, Cənubi Afrika iyən Hındoston əcumlə Briksi uzv bıə kişvəron şomilin. İron və Ərəbiston həm əcumlə kişvəronin ki ım iğtisodi qrupədə uzv bey hədəfışon heste.