De Fars dıyo ətrofədə bıə kişvəron Tırkiyə iğtisodi həmkoətyon hevujəti

Tırkiyə ixracəkəyon şura elanışon kardə: Mayə manqədə dəvardə sori muğaisədə bə Fars dıyo ətrofədə bıə kişvəron Tırkiyə ixracat təğribən 29 faiz əlovə peydoş kardə.

Bə İrna raporti əsos, Bə Tırkiyə ixracəkəyon şura (TİM) elani əsos, Mayə manqədə bə Fars dıyo ətrofədə bıə kişvəron Tırkiyə ixracat bə i milyardo 691 milyon dollar rəsə.

Bə həminə raporti əsos, İrağ de 817.9 milyon dollar və İ Bıə Ərəb Əmirəti de 360 milyon dollar əcumlə kişvəroni hestin ki Mayə manqədə Tırkiyəku veyə varid bey bəştə ixtisos doəşone. Im 2 qılə kişvəri bəpeşt, Ərəbiston de 166.5 milyon dollar, İron de 206.9 milyon dollar, Ğətər de 55.3 milyon dollar, Koveyt de 46 milyon dollar, Oman de 24.6 milyon dollar və Bəhreyn de 13.6 milyon dollar co qılə rotbəonədə ğəror qətəşone.

Milodi 2021 minnə sori əvvəliku, de Fars dıyo ətrofədə bıə kişvəron xususi Ərəbiston və İ Bıə Ərəb Əmirəti, Tırkiyə ticori həmkoətion de çəşəçi əlovə peydoş kardə.