Ermənistoni məktəbxonəonədə Farsi zıvoni təlim icbor bey

Ermənistoni məktəbxonəonədə Farsi zıvoni təlim icbor bıə.

Bə İrna raporti əsos, Ermənistoni şərğşınos, Hasmik Qiraqosiyan votışe: Milodi 2011 minnə sorədə İrəvanədə  10 qılə məktəbxonə, Farsi zıvoni bənə ixtiyori xarıci zıvon təlim doə bin əmmo ımruj Erməniston paytəxtədə 7 qılə məktəbxonə, Farsi zıvoni bənə icboriyə xarıci zıvon təlim kardedən.

Hasmik Qiraqosiyan de işorə bə ım ki Səvet hukuməti məhv bey bəpeşt, İron bənə iminnə hamsuyə kişvər be ki Ermənistoni istiğloli de rəsmi surət zınəş be, əv ijən votışe: həminə torixiku, Farsi zıvoni təlim həm bə Ermənistoni məktəbxonə varid bıə. Çən Erməni tələbəon və universiti tələbəon de Ferdosi, Hafez və Səedi oşno bıən.

Erməni şərğ şınon votışe: İroni mıosirə ədəbiyot, Ermənistoni millətiro erjin və cozibədore və Nimayoşici əsəron və İronıjə co qılə mıosirə ədəbiyot bə Erməni zıvon tərcumə və de muxatəbon xoş omey dim bə dim bıə.