İroni Şiraz və Rusiyə Kazan universteton miyono həmkoəti memorandumi imzo kardey.

İroni Şiraz Universiteti və Rusiyə Kazan Federal universteton miyono həmkoəti memorandumi imzo kardey bıə.

Bə tele-rədyo xəbə agentəti məlumoti əsos, Şirazədə bastə bıə bə ın memorandumi əsos,Şiraz Universteti və Rusiyə Kazan Federal Universtet mıxtəlif sahəonədə, ə cumlə mıştərəkə təlim kurson bə jimon dəvordıney,professor və tələbələon mubadilə,mıştərəkə tədğiğot və təhğiğat və Beynəlxalğə təhsil və tədğiğot loyihəon,konqreson,simpoziumon,konfranson,seminaron dəvordıney və təhğiğoti təhsil resurson mubadiləonışon bıbu.

Kazan Federal Universteti beynəlxalğə rektori muovin Timirxan Alışev və Kazan Federal Universteti innovasiyəon sahədə direktor Vladislav Sudakov de Şiraz Universteti fakultəon direktoron şurə, təhğiğot direktoron və elmi tədğiğot muovinon vindemonədə de universteton muxtəlif imkonoton oşno bıən.

Kazan Federal Universtet  de Şiraz Universteti mıxtəlif sahəonədə həmkoətiro ıştə hozzıətişon elon kardə.Şiraz Universteti elmi və beynəlxalğə həmkoəti mərkəzi rəhbər Əbulfazl Cukar ın universteti nomiku çı Şiraz Universteti fakultələon, şebəon, tədğiğot mərkəzon,imkonaton və noiliyyəton həxəda məlumot doəşe.İslomə İnğılobi səbarzəti bədiqə İron İslom Respublikə mıxtəlif sahəonədə, min cumlə elmi sahədə muhimmə inişofonış bə dast vardə.

Elmi və texnoloji tərəğği İronış bə Ğərbi Asiyə regionədə həmməysə çokə kişfəri peqordınəşe və dınyoədə Ğərb məmləkətonqırd sanksiyon və deşmınətiyon rəğmən,bə İroni de surəti bənav şıey bovəşon heste.

Imi həm ğeydkəmon ki, dınyo elmi 2 fayiz İronədə istehsol beydə.