Ermənistoniku 5 nəfər İronıjə zindoni bə İron ovoştoniyə bıən

İron və Ermənistoni miyono məhkumon ovoştoniye təvafuğnoməon icro bey çərçivədə, Ermənistonədə bıə 5 nəfər İronıjə zindoni bə İron ovoştoniyə bıən.

Bə İran Peres aqentiyəti raporti əsos, de İroni xarıci və  məhkəmə vəzorətxonəon iyən İrəvanədə bıə İroni nımoyəndəti cəhdon vositə, İron və Ermənistoni miyono məhkumon ovoştoniye təvafuğnoməon icro bey çərçivədə, Ermənistonədə bıə 5 nəfər İronıjə zindoni bə İron ovoştoniyə bıən.

intizor heste ki ım prosses bois bıbu 2 qılə kişvəri polis və məhkəmə təşkilaton miyono həmkoətion əlovə bıbu.

İroni xarıci vəzorətxonə de co təşkiloton həmroəti ıştə həmmə cəhdon əncom dodə ki muxtəlifə mınosibətonədə İroni zindonion ozodi təğib və ya bə kişvəri çəvon ovoştoniye şəroyet icod bıbu və bə həminə əsos, zindonion ovoştoniyero muxtəlifə konsuli mıştərəkə kamissiyaon bərpo kardeyro cəhd kardedə.