İroni dayimiyə himoyəonku Ermənistoni prezdenti ğədrdonəti

Ermənistoni prezdent İrəvanədə de İron İslom Respublika prezdenti vindemonədə Ermənistoniku İroni daimə himoyəonku ğədrdonətiş kardə.

İrəvanədə bıə İron İslom Respublika səforətxonə elanış kardə: Ermənistonədə bıə İron İslom Respublika səfir Əbbas Bədəxşan Zuhuri de ım kişvəri prezdent Vahan Xaçatoriyan vindemon iyən votımonış kardə.

Xaçatoriyan ım vindemonədə bə İrəvanədə bıə İroni səfiri xətob votışe: İron İslom Respublika Ermənistoni torixi dıvrəon vey saxtə dıvrəonku qıləyni,  yəni ım kişvərədə istiğloli dıvroniku bəpeşt, iştirokış be və ım dıvrədə Ermənistoniku İron İslom Respublika himoyəon hiss kardımone.

Bə İrna raporti əsos, ım vindemonədə, Xaçatoriyan Bədəxşan Zuhuri cəhdonku ki çəy məsuliyəti dıvrədə bənə Ermənistonədə İron İslom Respublika səfir be, vey ğədrdonətiş kardə.

İrəvanədə bıə İroni səfir həmçınin de işorə bə 2tərəfiyə rabitəonədə oxonə soron təhəvulaton, ıştə umu nışoş do ki 2 qılə kişvəri rəsmi şəxson mıştərəkə cəhdon jintonədə, 2tərəfiyə rabitəon nığıl iyən hevujə prosses dəvom peydo ko.

Im vindemonədə 2tərəf, enerji, ekoloqiya oqətey, strukturon inkişof xususi Ermənistonədə şimol bə cənubi caddə komil kardey, elm və texnoloqiya baxşonədə həmkoəti və həmçınin mıştərəkə planon icro beyro mıcudə zərfiyəton həmkoəti şəroyeti barədə məşvərət kardışone.