Ərdoğan: mustəmləkəçəti Fransə etırozonədə rişə heste
Tırkiyə prezdent, Fransə mustəmləkəçəti ım kişvəri oxonə etırozon dəlil zınəşe.
Im nooromətion çımiku bəpeşt bino bıə ki İyuni 27 minnə ruj yəni Seşəmbə rujədə, Qıləy Əlcəzirə əholi 17 sornə sınnış bıə nocıvon de Fransə polisi vositə kıştə bıə, Nahel Mərzoğ həminə nocıvoni nomış be və Fransə polisi ım hərəkət, Fransə milləti vızməti bois bıə jəqo ki ısət, Fransədə vey hevujə vızməti aksiya iyən daveon icod bıə və etırozəkəyon dastqirəti həmçınon dəvomış heste.
Fransə təhəvulaton dınyo mediyaon xəbəon iminnə xəbəonədə ğərorış qətə.
Bə TRT Rədio-Televeziya kanali raporti əsos, Tırkiyə prezdent, Rəcəb Təyyeb Ərdoğan Tırkiyə kabineti iclosi bəpeşt, de işorə bə Fransə mustəmləkəçəti ki ım kişvəri etırozon rişəy, votışe: bə torix və dəvardə soron hodisəon əsos, həmonə kəson ki vo kaştedən tufan dıvedən.
Ərdoğan vızməti məsələ, daveon dəvomi amil zınəşe və ıştə umu nışoş do ki Fransə hodisəon, be ım ki vızməti və daveon əlovə bıbu, har çəxtə rə bəpe bə oxo bırosno və Fransə rəsmi şəxson bəpe ım ictimai noroziyətionku dərs bıqəton.
