Pokistoni nımoyəndə: bə israili ələyh HƏMAS-i canq ğanunie
Fələstini beynəlxalğə konfransədə Pokistoni parlamenti heyəti nımoyəndə votışe: Fələstinıjon silohinə muğavimət, əcumlə HƏMAS, israli vəhşiyə işğolçiyəti vədə bə beynəlxalğə prinsipon və İ Bıə Milləton Təşkiloti ğanunon əsos komil surəti ğanunie.
Bə İrna raporti əsos, Fələstini beynəlxalğə konfransədə ki Tırkiyə İstanbulədə dınyo 80 qılə kişvəronku vey rəsmi şəxson iştiroki bərpo be, Pokistoni parlamenti heyəti nımoyəndə Moşahed Huseyn Seyed əlovəş kardə: bə Fələstini milləti hədəfon bəfodorəti bə çəvonku himoyə kardey, Pokistoni mısılmonon ko ulque və ım ko ım kişvəri bə rəhmət şə təsisəkə, Muhəmməd Əli Cənah fikonədə rişəş heste.
Huseyn Seyed ijən de təkid bə ım ki bə israili ələyh, Fələstini islomi muğaviməti hərəkəti (HƏMAS) canqəkəyon canq, bə həxi əsos bıə muğaviməte ijən votışe: bə beynəlxalğə prinsipon əsos, Fələstini muğaviməti anti israili canq ğanunie.
