De İslomofobiya mubarizə bardeyədə bə vəhdəti zərurət, Ərdoğani təkid

Tırkiyə prezdent de işorə bə İsveçədə bə Kərimə Ğıroni çand kərə be ehtıroməti kardey, de İslomofobiya mubarizə bardey zərurət təkidış kardə.

İsveçi apellyasiyə məhkəmə polisi bo Ğıroni sutuneyro təşkil kardə nımoyişi ğədəğən kardey ləğviku dı haftə bədiqə polis çoşanbə ruji çı mısılmınon Ğıbonə idi zəmonədə bə nımoyişi təşkilotçiyon Ğıroniı nusxə sutuney nımoyişi icozəş doə.

Im hərəkət ki de İsveçi polisi həmohənqi vositə əncom bıə, dınyoədə de hevujə etırozon dim bə dim bıə.

Zinə İşəmbə rujədə, Tırkiyə prezdent Rəcəb Təyyeb Ərdoğan, Şimoli Amerkə Pokistonıjə həkimon iclosi harsornə 46minnə konvansiyoni iclosədə, video konfrans royku nıtğış kardə.

Tırkiyə prezdent votışe: ğərbi kişvəronədə de xarıcion deşmənçiyəti iyən İslomofobiya mubarizə bardeyro bəpe ittifoğ surət əməl kəmon.

Ərdoğan ijən votışe: Ğıbonə idi iminnə rujədə bə Kərimə Ğıroni muğəddəsə kitobi  be ehtıroməti kardey, İslomofobiya dəhşətinə hərəkəti nışoş do.

Tırkiyə prezdent ijən əlovəş kardə: dınyo həmmə mısılmonon jıqonə be ədəbə hərəkəton tikror nıbeyro, vey yolə məsuliyətonış heste. ehanə i dıl iyən i sədo əməl kəmon, hiç kəs dınyoədə bə mısılmonon muğəddəsəçiyon həmlə kardey ciqəmandətiş nibəbe. jıqonə hərəkəton Tırkiyə səmtiku de şiddətin məhkum bəbe.

Ərdoöan ıştə sıxənon co qılə baxşədə de işorə bə Ankara iyən İslomabad və Tırkiyə cənubi məntəğəonədə Fevrali 6minnə ruji şiddətinə buməlarzə dumoədə, Pakistonıjon bəşərdustanə koməkon, ım koməkon 2 qılə milləti vəhdəti nışonəy.