Ərdoğan: Tırkiyə pidəşe de Fars dıyo ətrofədə kişvəron ıştə rabitəon hevuj bıko

Tırkiyə prezdent qıləy xəbəiyə iclosədə de Fars dıyo ətrofinə kişvəron Tırkiyə rabitəon hevujətiku xəbəş do.

Bə İrna raporti əsos, Tırkiyə prezdent Rəcəb Təyyeb Ərdoğan bə Fars dıyo ətrofinə kişvəron ıştə vəoməy səfəriku bənav votışe: ıştə kişvər pidəşe de Ərəbiston, Ğətər iyən İ Bıə Ərəbə Əmirəti ıştə rabitəon nığıl surəti əlovə ko.

Ərdoğan qıləy xəbəiyə iclosədə əlovəş kardə: əmə bə ım səfə nəticəon umumon heste, çımiku bənav az çıme duston vığandıme, əvon Ğətər, İ Bıə Ərəbə Əmirəti və Ərəbistoniku vindemon kardışone və ısət əmə həm ım kişvəronku vindemon bəkamon.

Çoşəmbə rujədə Ərdoğan Litvaədə Nato iclosiku oqardey zəmonədə bə jurnaliston vottəş be ki Tırkiyə pidəşe de Ərəbiston, Ğətər iyən İ Bıə Ərəbə Əmirəti rabitəon əlovə ko.

Ğərore ki İyulə manqi 17 tosə 19 minnə rujonədə Ərdoğan bə Ərəbiston, Ğətər iyən İ Bıə Ərəbə Əmirəti səfər ko.