Rusiyədə İroni səfir de Rusiyə filosof Əleksander Doqini vindemon iyən məşvərət kardışe

Rusiyədə İron İslom Respublika səfir de Rusiyə Rusiyə məşhurə filosof vindemon iyən məşvərətış kardə.

Əleksander Doqin Rusiyədə “ Orasiya” nomo partiya rəhbər və təsisəkəy.

Rusiyədə bıə İron İslom Respublika səfir, İron İslom Respublika səforətxonə vırədə de Rusiyə filosof iyən alim Əleksander Doqin vindemon iyən məşvərət kardışe.

Bə İsna raporti əsos, ım vindemonədə beynəlxalğə nizomi xusiyəton mevzu, bə çand ğotbış bıə dınyo dəvardey dıvron, çand ğotbış bıə nizomi xusiyəton, Rusiyə, Çin, İron və Hındostani kişvəron rol, Çand ğotbış bıə dınyoədə islom, Hındostan, Çin, Rusiyə pravoslav məsihi, Afrika və Latin Amerkə sivilizasiya və mədənon roli barədə de tərəf deyande votımonışon kardə.

Im vindemonədə bə ım mevzu işorə bıə ki həmonə mədəni iyən sivilizasiya ki mənəvi və İlohi erjon inkişof dodə və bə bəşəriyət komək kardedə, vəoməyədə vey muhimmə rolış heste.