Konsuli mevzuon, İroni səfir iyən Azərbaycan Respublika xarıci vəziri muavini vindemoni mehvər

Bokuədə bıə İroni səfir və Azərbaycan Respublika xarıci vəziri kunsoli muavin 2tərəfi rabitəon xususi kunsoli hozzədə oxonə təhəvulaton barədə deyande votımonışon kardə.

Bə Fars aqentiyəti raporti əsos, ım vindemonədə, Bokuədə bıə İron İslom Respublika səfir Seyd Əbbas Musəvi iyən Azərbaycan Respublika xarıci koon vəziri kunsoli muavin Fariz Rezayev 2tərəfiyə rabitəon oxonə təhəvulaton xususi kunsoli baxşədə, Azərbaycan Respublika sakin bıə İronıjon və ım kişvərədə zindon bıə kəsoni oxonə vəziyət və həmçınin 2 qılə kişvəri co qılə mıvzoon barədə sıhbət bıə.

Bokuədə bıə İron İslom Respublika səfir, çımiku bənav Azərbaycan Respublika qomroki devləti tojə rəyisi vindemonədə 2 qılə kişvəri qomrokon vey nezə həmkoətion əcumlə ço curnə marzi nəğliyot təğib kardəş be.

Azərbaycan Respublika əcumlə İroni hamsuyəonkue ki dəvardə soronədə muxtəlifə baxşonədə de İron həmkoəti hevujəti tələbış kardə be.

Milodi 2021 minnə sori Noyabrə manqi 28 minnə rujədə Eşğabadədə iğtisodi həmkoəti təşkiloti (EKO) iclosi kənoədə İron və Azərbaycan Respublika prezdenton vindemoni bəpeşt, 2 qılə kişvəri rabitəon vey rə əlovə bıə.

Əmmo Milodi 2023 minnə sori Yanvari 27 minnə rujədə bə Azərbaycan Respublika səforətxonə həmlə dumoədə, de silohinə şəxsi vositə bə ım səforətxonə həmlə icod bıə iyən 1 nəfər kıştə və 2 nəfər ım səforətxonə koəkə həm zəxmin bıə, ım hodisə bəpeşt, Azərbaycan Respublika devlət Tehronədə ıştə səforətxonə tərkış kardə və ıştə diplomatiyaon bə Buko obəqardışe.həlbətə Təbrizədə bıə Azərbaycan Respublika sərkunsolibəştə fəaliyət dəvomış do.