Ermənistoni xarıci koon vəziri bə Tehroni bıə səfə
Imruj Dışəmbə və rəsmiyə vindemoniro Ermənistoni xarıci vəzir bə Tehron səfər bəkay.
Bə Təsnim aqentiyəti raporti əsos, Ermənistoni xarıci vəzir Ararat Mirzoriyan bə de İron İslom Respublika rəsmi şəxson votımon iyən vindemoni xoto, əcumlə de xarıci koon vəzir Huseyn Əmirəbdullahiyan bə Tehron səfər bəkay.
De diğğət bə İron və Ermənistoni kanə rabitəon, 2 qılə kişvəron miyono veyə nezətion mucude. ım mısbətə kanəti 2 qılə kişvəri rabitəon muxtəlifə baxşonədə təsir noəşe və bə çəy xoto Erməniston hamsuyə kişvəron miyonədə de İron ticori və iğtisodi rabitəonədə vey çokə vırə soybe.
Həmçınin 2 qılə kişvəri ticori mıbodiləon əlovə bey prosses nışoş do ki ım həmkoətionədə İron və Ermənistoni taciron və xususi baxşon, istehsol baxşonədə investisiya fəaliyət və iğtisodi və ticori rabitəon inkişof doey meylışon heste. və həğiğətədə Erməniston Avrasiyaiğtisodi ittifoğədə bənə Ğəfğazi məntəğə uzv, İroniro qıləy muhimmə ticori şərik bə hisob omeydə.
