Bə Boku omə turiston bə kam bedən

Azərboyconi de RF miyonədə tasbəy səbəbiku Rusiya turiston bə Boku omeku vey ehtiyot kardə. Nəticədə Rusiyaku bə Boku omə turiston hisob 40% bə kam bə.

Əvon vote bəbe ki, həni azərboyconədə vırə siforiş kardə nin. De Rusiya Turist ittifoğe doə məlumoti, bə Boku ome eçın qətəyon hisob həniən bə ji ebəqne, çumçoko keşvəron miyonədə sardonəti bə əlağon dırıs bırniyə be bekarde bəzne. RTİ ımrujinə holədə vey ehtiyotin və bə doə məlumoton dığğət karde, nav dəro qınə ıştə bə dumo oqarde nəzə səğande məsləhət zınedə.
Bə yod dəğandəmon ki, iyuni 27-də RF Ekaterinburq şəhərədə huğuğ mıhafizə orqanon bə azərboyconiku bə cinoyətkoə dastə vəynə bardə tədbirədə 2 kəsi marde iyən kali kəson dastqir iyən xəsorət se bədiqə miyon keşvəron əloğon sardon bən. Azərboyconi tərəfiən xeyli rusiya vətəndorış Bokuədə dastqir kardə, bəvonış xəsorət rosniyə. Boku dastqir kardə xonəxon de ironiku narkotik tranziti iyən kibercinoyəti ittohom kardedə.