İron və Azərbaycan Respublika iğtisodi mıştərəkə kamissiya rəison miyono tojə mılağat.

İron və Azərbaycan Respublika iğtisodi mıştərəkə kamissiya İronıjə rəis çın kamissiya Azəriyə rəsmi şəxsi mılağat kardeədə 2 tərəfiyə həmkarion inkişof doe barədə votımonış kardə.

Bə İrna raporti əsos İroni rabitə və informasiyaon texnoloqiyaon vəzir Məhmud Vaizi zinə Tehronədə bıə İlham Əliyevi tojə səfəri təvafuğon təğib karde xoto bə Buko səfərış kardə.

Vaizi ıştə səfəri i minə mərhələdə de İron və Azərbaycan Respublika iğtisodi mıştərəkə kamissiya Azəriyə rəis Şahin Mustəfayev mılağatış kardə və bə İlham Əliyevi tojə səfəri əhəmmiyət işorə karde bəpeştə bo həmkarion inkişof doero bə İroni dıvləti iradəon təkidış kardə.

İroni rabitə və informasiya texnoloqiyaon vəzir votışe: jəqo ki İroni Yolə Rəhbər və İlham Əliyevi mılağati cərəyanədə təkid be həmmə sahəonədə 2 qılə kişvər bo həmkarion inkişof doero vey zəminəon xıvandin ijən bəpe səy bıbu ki ğabeliyətonku bo 2 qılə milləti əmniyyət və rifoh miğdori ziyod kardero istifodə bıbu.

Vaezi Ostoroədə ğətariyə proyekti barədə rozi mandə və omidvar be ki şimal-cənub koridorədə ijən bı nızonədə tranzit və ticariyə fəaliyəton bino bıbu.

2 tərəf de diğğət bə maşin soxte iyən dəvo-damon mıştərikə proyekton muvəffəğə təcrobəon pidəşon bən bənə Rəşt-Ostoro ğətariyə xət və ya xot co sahəonədə mıştərəkə həmkarion əncom bıbu.

Ağaye Vaizi ijən de Azərbaycan Respublika izteroriyə hadisəon vəzir "Kəmaloddin Heydərov" həm mılağatış kardə.