Bəğayi: De Hormuzi tanqə anqıl İron-Oman mızokirəon fəzo mısbəte

Pars Tudey-İroni Xarici Koon Vəzirəti sıxanəvot Hormuzi lukədə de əmniyyətinə kəştiromey hərəkəti təşkili məğsədi İron iyən Omani miyono mızokirəon dəvom kardeyış elon kardə və mevcudə atmosferış mısbət zınə.

Pars Tudey bə Mehr Xəbə Aqentəti istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi çı İron iyən Omani miyono mızokirəon oxonə təfərruoton barədə votəşe:Im votemonon çe Hormuzi luki dıqlə sahili kişfəri miyono bənə bo kəştiyon əmniyyətinə oqardemoni roon mıəyyən kardey diyaloqi dəvom doey beydə;ın ro,suverenə huğuğon təmin kardey kəno,İron iyən Omani milli əmniyyəti mulahizəon həm nəzədə qəteydə. Əv,mızokirəon tosə ısət həm texniki,həmən siyosi səviyyəonədə mısbət ğıymət doə holədə bəyonış kardə:İron,de Omani həmkoəti ın strateji dəvardəcoədə bo kəştiromey hərəkəti idorə kardero omə tənzimonro lozımi mexanizmon hozzı kardeyro səy kardedə və çın votemonon oxonə nəticəon bə oxo rəsey bədiqə bəyon kardey bəbe.