İron və Tırkiyə rabitəon zumandəti, bə İslom dınyo və məntəğə mənafe əsose

İroni kişvəri vəzir və Tehronədə bıə Tırkiyə səfir, 2 tərəfiyə rabitəon zumandəti bə məntəğə iyən İslom dınyo mənafe zınəşone.

Dəvardə manqonədə İron və Tırkiyə rəsmi şəxson, 2tərəfi vindemonon və ya telefoniyə votımononədə  həmişə de stabiləti və harcurnə dave vəy qətey hədəf, məntəğə həmkoəti iyən iğtisodi baxşonədə bə 2 qılə kişvəri rabitəon bənə vey muhimmə mevzuon  təkidışon kardə.

İron və Tırkiyə rəsmi şəxson irodə, həmkoəti zumand kardeye boçi ki vey mevzuonədə ım 2 qılə hamsuyə kişvər iğtisodi, siyosi və əmniyyəti mıştərəkə mənafe soybin, və dəvardə 400 soriku vey  mıddətədə bə çokə hamsuyəti təkidışon be.

Bə Tele-Rədio aqentiyəti raporti əsos, İroni kişvəri vəzir Əhməd Vəhidi, Tehronədə bıə Tırkiyə səfir Hecabi Kərlanqiç vindemonədə de bə Kərimə Ğıroni be ehtıroməti kardey bə həmmə İlohiyə dinon be ehtıroməti kadey zınəşe və əlovəş kardə: İron və Tırkiyə islom dınyo  və məntəğə 2 qılə vey muhimmə pəronin əmmo ğərb iyən dınyo bə har illət pidəşon ni ki İslom bə ozavziyə bırəse.

Vəhidi ijən təsdiğış kardə: İron və Tırkiyə həmmə rabitəon hevujəti, məntəğədə sulh iyən stabiləti bois bəbe və milləti veyə rabitəon icod kardey zəminə hozzo kardedə.

İroni kişvəri vəzir ijən Ərəsi ru məsələon vey muhimm zınəşe iyən İron və Tırkiyə marzi ostanon rabitəon hevujətiro qıləy qrup icod bey tələbış kardə.

İronədə bıə Tırkiyə səfir Hecabi Kərlanqiç həm ım vindemonədə de diğğət bə torixi, adət-ənənon və mədəni mıştərəkə çiyon 2 qılə kişvəri rabitəon dustanə və kanəti zınəşe və votışe: Tırkiyə de İron İslom Respublika muxtəlifə baxşonədə həmkoətiş heste ki bəpe ım həmkoəti hevuj bıbu

İronədə bıə Tırkiyə səfir, ijən marzi, əmniyyəti, şahrvandon şe-omey və de terrorizm mubarizə bardey ticorətədə rabitəon zumandəti tələbış kardə.