Sulh muzakirəonədə Ermənistoni funksiyaku Əliyevi tənğid
Azərbaycan Respublika prezdent, Ermənistoni mıttəhəmış kardə ki sulh muzakirə royədə problem icod kardey holədəy.
Bə YJC raporti əsos, zinə Azərbaycan Respublika prezdent, de Antoni Belinken votımonədə iddioş kardə ki Azərbaycan Respublika sərzəminədə Ermənistoni silohinə ğıvvon iştirok sulhiro mane heste.
Əliyev ijən votışe: Ermənistoni təhrikomizə hərəkəton, sulhi prossesi vəy qətey bois bəbe və ım kişvəri hakımiyəti sərzəminədə Ermənistoni silohinə ğıvvon ğeyri ğanuni iştiroki dəvom məntəğədə hərbi daveon amil bə hisob omeydə.
Çımiku bənav həm Ermənistoni iminnə vəzir Nikol Paşiniyan vottəş be ki bandiyə Ğərəboği Erməni sakinon əmniyyət və huğuğon qarantiya kardey şəroyetədə, hozzoe ki ım məntəğə bənə Azərbaycan Respublika sərzəminiku bənə i baxş rəsmi zıneydəmon.
