Bə Avrasiya kişvəron, 514 milyon dollariku vey İroni məhsulon ixracat

Statestikaon nışo dodən ki İroni məhsulon ixracat bə Avrasiya kişvəron bə 514 milyon dollariku rəsə.

Bə qomroki rəsmi statestikaon əsos, ımsori 4 manqi iminnədə bə Avrasiya kişvəron İroni ixracat bə 514.9 milyon dollar rəsə.

Bə İroni qomroki statestikaon əsos, ımsori 4 manqi iminnədə bə Avrasiya kişvəron İroni ixracati statestikaon nışoş do ki  bə Erməniston, İroni ixracati miğdor 442 həzo ton iyən erji cəhəto 133 milyono 104 həzo 993 dollar be.

Bə Belarusiya, İroni ixracati miğdor 5.6 həzo ton iyən erji cəhəto 5 milyono 373 həzo 333 dollar be.

Bə Rusiyə, İroni ixracati miğdor 678 həzo ton iyən erji cəhəto 302 milyono 79 həzo 16 dollar be.

Bə Ğırğizıston, İroni ixracati mığdor 16 həzo ton iyən erji cəhəto 17 milyono 673 həzo 834 dollar be.

Bə Ğəzaxıston, İroni ixracati mığdor 159 həzo ton iyən erji cəhəto 56 milyono 722  həzo 658 dollar be.

Im sori 4 manqi mıddətədə həm bə 5 qılə Avrasiya kişvər, İroni ixracat 1301 həzo ton və erji cəhəto 514 milyon 953 həzo 734 dollar be.

İjən cari sorədə Avrasiya kişvəronku İroni varid bey 3.4 milyon ton və erji cəhəto 2 milyardo 125 milyono 301 həzo 83 dollar be.