İron və Rusiyə mədəni həmkoətion dəvom
Moskvaədə bıə İroni mədəni məşvərətəkə iyən Rusiyə Vednxa məcmuə yol, Moskvaədə İroni hınəon iyən mədəni ofəyevoni sənaye zıneyro mıştərəkə hodisəon bərpo bey zəminəon təğib kardışone.
Moskvaədə bıə İroni mədəni məşvərətəkə Məsod Əhmədvənd, iyən Rusiyə Vednxa məcmuə yol, Seqey Şoqorof Moskvaədə İroni hınəon iyən mədəni ofəyevoni sənaye zıneyro mıştərəkə hodisəon bərpo bey zəminəon təğib kardışone.
Bə İslomi rabitəon iyən mədəni təşkiloti umumiyə rabitəon raporti əsos, ım vindemonədə 2tərəf İroni hınəon və dasti sənaye qədə vıjor bərpo beyro Rusiyədə həmkoətion iyən Vednxa məcmuədə adət-ənənon zıney və milli mərosimon bərpo beyro əcumlə Yəlda iyən Nəvruzə mərosimon bərpo beyro de yande votımonışon kardə.
Bə Moskva Əbbasabadi turizm iyən mədəni məcmuə tərəfo İroni heyəti nezə səfə cərəyonədə Şoqorof ıştə meyli nışoş do ta İroni nımoyeşqohiyə mədəni zərfiyəton iyən məcmuəonku vindemoniro bə Tehron Vedenxa koşınoson səfə zəminə həm icod bıbu.
