Azərbaycan R. iyən Ermənistoni miyono marziyə daveon dəvom

Azərbaycan R. iyən Erməniston bə daveon əlovə bey xoto, yande bə ıştə mıştərəkə marzon həmlə kardey mıttəhəm kardışone.

Milodi 2020 minnə sorədə Ğərəboği 44 rujə canq, de Rusiyə vositəçiyəti iyən Erməniston və Azərbaycan R. miyono otəş basti sazışon imzo kardey sə bıə.ım canqi oxoədə İrəvan, bə Azəri tərəfi mənafe əsos, Ğərəboği çand qılə baxşi ıştə dastiku doşe.

Bə İrna raporti əsos, Pencşəmbə rujədə Ermənistoni iminnə vəzir Nikol Paşiniyan Azərbaycan R. bə 2 qılə kişvəri marzədə iyən Ğərəboği təmas xətədə bə canqi tərtib iyən ğıvvon qırd bemoni mıttəhəmış kardə.

Ermənistoni xarıci vəzir təkidış kardə ki çand qılə mənbəku ım mevzu təyid bıə və İrəvan bə hərbi daveon əlovə bey meylış ni və hozzoe ki bə sulh sazışon rəseyro ıştə cəhdon dəvom bıdə.

Azərbaycan R. xarıci vəzorətxonə Ermənistoni rəsmi şəxson sıxənon rədış kardə və İrəvaniku tələbış kardə ki hərbi və siyosi təhrikomizə hərəkəton bə oxo bırosno.

Həminə cəhətədə Azərbaycan R. prezdenti xarıci siyasəti mışovir Hikmət Haciyev votışe: ım kişvəri silohinə ğıvvon manevroni bərpo kardey holədən ki çımiku bənav çəvonro plan kəşə bıə be.

Əv Ermənistoni mıttəhəmış kardə ki ım kişvər mıştərəkə mazrədə ğıvvon təmərkoz iyən tojə silohon hırye məşğule və əlovəş kardə: çəmə strateqiya bə Azərbaycan R. ələyh ğeyri ğanuni hərbi iyən silohinə hərəkəton vədə mudafiə hərəkəton əncom doeye.