Ermənistonədə İroni səforətxonə: bə sionist rejimi ələyh Fələstini milləti muğavimət bəçəvon çandə dasornə zılmon cəvobe
Ermənistonədə İroni səforətxonə de işorə bə Fələstini oxonə təhəvvulaton elanış kardə: bə sionisti apartayd iyən irğçiyə rejimi ələyh Fələstini ciqəmand və muğavimə milləti muğavimət bə fələstini milləti ələyh sioniston həmmə tərəfiyə cinoyət və çand dahə zılm iyən çəvon beynəlxalğə himoyə kardə kəson sukuti cəvobədəy.
Bə İsna aqentiyəti raporti əsos, Ermənistonədə İroni səforətxonə de qıləy bəyoniyə muntəşir kardey vositə bə Fələstini ciqəmand iyən məzlumə milləti ələyh xususi Ğəzzə tanqədə bə Fələstini mıhosirə bıə milləti ələyh sionisti işğolçi və hırdənəkışt və terroristiyə rejimi vəhşiyə həmləon de şiddətin məhkumış kardə.
Ermənistonədə İroni səforətxonə bəyoniyədə omə: Ğəzzə məzlumə milləti ov, ruşnə, damon iyən xorək maddon bırniye və icbor surət əvoni ıştən kə xarıc kardey, beynəlxalğə prinsipon oşkoə darşiye və canqi cinoyət iyən etosniye oşkoə nımunəonkue ijən insoniyə həxon duə iddioəkəyonro bevəc nəticə be.
Im bəyoiyədə ijən omə: Ələğsa Tufan nomo əməliyot nışoş do ki Fələstin bəjie və dınyo iyən məntəğə milləton dılədə vırəşe və ım rejim və çəy himoyə kardə kəson cəhdon Fələstini məsələ yodiku bardeyro be nəticə və de məğlubiyəti bə icoe.
Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.
Bə Ğəzzə tanqə de Ğudsi işğolçiyə rejimi həmləon dəvomi həmzəman, Fələstini səhiyyə vəzorətxonə elanış kardə ki bə sionist rejimi həmləon xoto, 2228 nəfəriku vey şəhid və 8714 nəfəriku vey həm zəxmin bıən.
