Rəyisi de Bəşar Əsədi vindemonədə: muğaviməti ğudrət, oxonə təyinəkəy
İron İslom Respublika iyən Suriyə prezdenton deyande vindemon və təkid kardışone: muğaviməti ğudrət oxonə təyinəkəy.
İron və Suriyə prezdenton, Seyd İbreym Rəyisi və Bəşar Əsəd,Ğəzzədə meydoniyə təhəvvulaton oxonə vəziyəti barədə lozimə həmohənqion və məşvərəton əncom doey bəpeşt, təvafuğ kardışone ki oxonə vəziyəti yeqanə təyinəkə amil, muğaviməti ğudrəte ki de zumandəti bəştə mudafiə dəvom dodə.
Zinə Şənbə Ər-Riyadədə ərəb ittifoğ iyən islomi həmkoəti təşkiloti mıştərəkə iclosi kənoədə Rəyisi de Suriyə prezdent Fələstini oxonə təhəvvulaton təğib kardey bəpeşt, ım iclosiədə Ğəzzə barədə bə əməliyoti iyən icroiyə ğərolon qətey zərurət təkidış kardə və bə ım məntəğə milləti komək rosniye inkişof və Ğəzzə mıhosirə peqətey, sakin bıə kəon məntəğəon bombardımoni təcili ğət kardey tələbış kardə və votışe: bəpe Əl-Riyadi ımrujnə iclosədə ım tələbon bə vırə bırəse.
2 tərəf ijən Ğəzzədə meydoni təhəvvulaton oxonə vəziyəti barədə lozimə həmohənqion və məşvərəton təğib kardey bəpeşt, təvafuğ kardışone ki oxonə vəziyəti yeqanə təyinəkə amil muğaviməti ğudrəte ki de zumandəti bəştə mudafiə dəvom dodə.
İroni prezdent ijən ım vindemonədə, Ğəzzə məzlumə millətiro humanitarə koməkon vığandey və komək rosniye, əcumlə 2tərəfi təkid bıə məsələonku zınəşone.
Im vindemonədə ijən Suriyə prezdent Bəşar Əsəd,Im iclosədə Ğəzzə barədə Rəyisi de himoyə və ruşinə nıtğiku ğədrdonətiş kardə və bə Ğəzzə komək rosniye prossesi bino bey və həmləon vey rə oqətey zərurət təkidış kardə.
