Bə Erməniston, İroni təbii qazi ixrocat əlovə bey

Ermənistoni məntəğə və strukturon idorə kardey vəzir, İroniku təbii qazi varid bey əlovə kardeyku xəbəş do.

Imsori Avqustə manqədə İron və Ərəbistoni rəsmi şəxson miyono qıləy sazış imzo bıə ki bəvədə ğəror bıə bə Eməniston, İroni qazi ixracat əlovə bıbu.

Bə Erməniston İroni qazi ixracati lulə xət zərfiyətış heste ki har sor 1 milyard kubəmetrəku vey təbii qaz bə Erməniston bırosno ki ım lulə xəti təsis bey zəmonədə fəğət 30 faiz ım zərfiyətiku istifodə bıə.

Bə İrna raporti əsos, Ermənistoni strukturon  və məntəğə mudiriyəti vəzir Qenel Sanosiyan votışe: ım kişvəri har sor365 milyon kubə metrə İroniku varid kardedə.

 “Ermənistoni enerji baxşi ımruj və maştə” iclosi kənoədə Sanosiyan de işorə bə Ermənistoni İroni təbii qazi ovoştoniye lulə xətti komilə zərfiyətiku istifodə nıkardey ijən əlovəş kardə: de ım sazışi imzo kardey vəomə soronədə İroniku təbii qazi varid beyro çokə fırsət icod bəbe.