Deputat Azər Badamov Rusiyaku deportasiya kardə bə

Milli Məclisi deputat Azər Badamov Moskva həvo portədə oğətə bə və bəy bə Həştərxan reysi nışte icazə doə bə ni.

De doə məlumoti, de Rusiya tərəfi dəvəti və de Abşeron Rayon İcro Hakimiyyəti təşkili Azərboyconi nımayəndə heyət bə de Heydər Əliyevi sorəqardışi anqıl tədbironədə iştirok karde ro bə Rusiya Həştərxan vilayot səfər dəro qınən. Nımayəndə heyəti dılədə bə deputat Azər Badamovi bə RF dəşe ğədəğeyn be bəyon kardə bə. Bın qəmi hiç qılı izohot doə nıboən, ehtimal kardə bedə ki, Badamovi 2 manq bə nav RF devlət duma deputat Valuyevi unvon votə təhğiramiz ifadon band kardən. Bəvədə Badamovi, bə rusiyavojə deputat Valuyevi azərboycon hokuməti Bokuədə de "Rus kə" dəbaste anqıl votəyonış cəvob doə be.
Azər Badamov bə Boku oqarde məcbur bə.
Azərboycon Xarici Koon Vəzorəti mətbuat xıdməti, Milli Məclisi deputati bə Rusiya Federasiya ərazi vadoə nıbe band məsələ mınasibət bəyon kardəşe. Bəyonotədə, Azər Badamovi bə nımayəndə heyət Həştərxan şəhər səfər Rusiya Federasiya Həştərxan vilayəti vitse-qubernator – Hokuməti sərdor Denis Afanasyevi dəvəti əsnoədə be, bın koy ro RF XKV-ku izohot çəş karde votə bedə.