Turizm baxşədə bə İron və Tırkiyə həmkoətion hevujəti təkid bıə

İroni turizm və dasti sənaye, mədəni irson vəziri turizmi muavin bə İron və Tırkiyə 2tərəfiyə həmkoətion hevujəti təkidış kardə.

Bə Tele-Rədio aqentiyəti raporti əsos,cımə rujədə, və Tırkiyə və ğərbi Azərbaycan turizmi fəalon iclosədə, İroni turizm və dasti sənaye, mədəni irson vəziri turizmi muavin Əli Əsğər Şalbafiyan votışe: ostanon və İron və Tırkiyə 2 qılə kişvəri şəhron miyono rabitəon turizmi hədəfon və məhsulon inkişofi zəminə icodəkəy. xususi ostanoni ki mədəni, torixi və mıştərəkə zıvoni soybin.

Şalbafiyan ijən əlovəş kardə: Ğərbi Azərbaycanədə muxtəlifə dinon və ğovmonku muxtəlifə mərosimon və ğeyri maddi irson vey diğğətin be və ım ostani milləton mədəni erjon nışoş dodə.

İroni turizm və dasti sənaye, mədəni irson vəziri turizmi muavin ijən bəyonış kardə ki milləton deyande anqıl qıniyəro, turizm əbzore və tuzrizmi fəalon ım ko amilonku bə hisob omeydən, əv ijən votışe: 27 qılə torixi əsəron, İroni 100 qılə məntəğə və vırədə qlobal ğeyd kardeyro hozzoin, ım əsəron karde bəzne təbii və torixi turizmi inkişof doeyədə vey təsirin bıbu.

Im iclosədə Tırkiyə turizm aqentəti ittifoği şərği Anatoli məntəğə sədr həm votışe: umumon heste ki İron və Tırkiyə miyono turizm həmkoətion inkişofiro zəminə icod bıbu.