İron və Pakistoni elmi həmkoətion hevujəti
Pakistoni ali təlimi kamissiya sədr, İslom Abad iyən Tehroni elmi həmkoətion hevujətiku xəbəş do.
Pakistoni ali təlim kamissiya sədr, Muxtar Əhməd de İrna votımonədə elmi baxşonədə bə Tehron və İslom Abadi rabitəon təkidış kardə iyən votışe: 2 qılə kişvər təvafuğ kardışone ki ali təlim, elm və texnoloqiya baxşonədə 2tərəfiyə həmkoətion əlovə bıbu.
Muxtar Əhməd ijən bəyonış kardə: elmi və texnoloqiya baxşonədə İron bə vey çokə inkişofon rəsə. və ım baxşədə İroni alimon və təlim umutə kəson vey təcrubəşon heste, əv ijən təsdiğış kardə6 bə Tehron dəvardə haftə səfədə və de İroni elm və texnoloqiya baxşon rəsmi şəxson vindemon, bə 2 qılə kişvəri miyono elmi və texnoloqiya həmkoətion təkid bıə.
İroni təhğiğaton, elmnon və texnoloqiya vəzir, Muhəmməd Əli Zolfi qol, de Pakistoni ali təlimon kamissiya sədr, Muxtar Əhməd vindemonədə həm votışe: ictimai, iğtisodi, dini və mədəni iyən məzhəbi baxşonədə, İron və Pakistoni miyono veyə mıştərəkəçiyon və rabitəon mevcude ki bois bıə ta 2 qılə kişvəri rabitəon vey nığıl bıbu.
İroni təhğiğaton, texnoloqiya iyən elmon vəzi de təkid bə İron və Pakistoni miyono həmkoətion hevujəti votışe: təyin bıə elm və texnoloqiya mərkəzon icod kardey baxşonədə 2 qılə kişvər deyande həmkoətişon bıbu.
