İronədə çand nəfər Azərbaycan Respublikaku vığandə bıə cəsuson dastir bıən

Çand nəfər cəsus iyən terrorist ki de Azərbaycan Respublika qıləy mərkəzi həmohənqi xərobkaranə iyən terroristi koon əncom doeyro bə İron varid bıə bin har hərəkəti əncom doeyku bənav dastqir bıən.

Bə Təsnim aqentiyəti rapoirti əsos, İroni əmniyəti təşkilat və ğıvvon, tojədən çand nəfər cəsus iyən terroristi ki de Azərbaycan Respublika qıləy mərkəzi həmohənqi xərobkaranə iyən terroristi koon əncom doeyro bə İron varid bıə bin, təhdidomizə fəaliyəti əncom doeyku bənav dastqir kardışone.

Dastqir bıə kəson, cəsusətiku bə kəno, İronədə xarabkaranə əməliyaton əncom doe ğəsdışon be ki koon bino kardeyku bənav dastqir bıən.
Çand ruj bənav həm İroni kəşfiyot vəzorətxonə rəsmi bəyoniyə çərçivədə elanış kardə be ki İron və dınyo 28 qılə kişvəronədə vey çı sionist rejimi cəsuson barədə məlumaton elan bıə və əvoni dastqir kardey dəvom kardeydə.