Tırkiyə səmtiku Ğəzzə tanqədə sioniston irğçiyə hərəkəton məhkum kardey
Tırkiyə xarıci vəzir elonış kardə: zılmoni ki bə Fələstinıjon varid omeydə bə sioniston erğçi hərəkəton xotoe.
Bə Tele-Rədio aqentiyəti raporti əsos, zinə şəmbə Tırkiyə xarıci vəzir, Hakan Fidan təkidış kardə bə Ğəzzə və fələstini millət zılmoni ki varid omeydə bə Seoniston erğçi hərəkəton xotoe iyən votışe: beynəlxalğə ictima bəpe bə beynəlxalğə prinsipon əsos, Fləstini mıstəğilə kişvəri rəsmi zıneydən.
Tırkiyə xarıci vəzir ijən de işorə bə ım ki Ankara cəhdış kardedə ki bə Ğəzzə ələyh vey vəhşiyə canq bə oxo bırəse ijən əlovəş kardə: Fələstini kişvəri rəsmi zıneyro Tırkiyə de beynəlxalğə ictima bəştə həmkoəti dəvom dodə.
Dəvardə manqon mıddətədə Tırkiyə millət bə seoniston ələyh çand da qılə aksiya bərpo kardışone və Ankaraədə hakim bıə devlətonku tələb kardışone ki de israili erğçi rejim həmkoəti iyən həmroəti nıko.
