Almatiyədə Boku iyən İrəvani sulhi muzakirəon bino bey
Ğəzaxıstoni Almati şəhrədə Erməniston iyən Azərbaycan R. xarıci vəziron, sulhi təvafuğnomə barədə ıştə votımonon bino kardışone.
Bə Anatoli aqentiyəti raporti əsos, zinə Erməniston və Azərbaycan R. ali diplomaton sulhi təvafuğnomə barədə ıştə votımonon bino kardışone.
Ğəzaxıstoni xarıci vəzorətxonə bəyoniyəə omə ki Azərbaycan R. iyən Ermənistoni xarıci vəziron, Ceyhun Bayramev və Ararat Mirzoyan bə Almati dusti kə varid bıən.
Im bəyoniyədə ijən omə ki Azərbaycan R. iyən Ermənistoni xarıci vəziron ım hodisə mutəşəkil bey iyən muzakirəon zəminə icod kardeyro Ğəzaxıstoni tərəfiku təşəkkurış kardə.
Həmçınin Ğəzaxıstoni xarıci vəzir Murat Nortleo həm votışe: Azərbaycan R. iyən Erməniston nəyinki,nezə kişvəron bəlkəm Astanəro vey muhimmə stratejikə şərikon hestin.
