Colani bə Boku səfər

Suriyə mıvəğətti rəhbər Colani iyuli 12-də bə Boku səfər omə. Im çəy bə xaric iminə səfəre. Əliyevi əvış hələ ımsori fevralədə bə azərboycon dəvət kardəş be və de yolə həvəsi bə çəy və beşe.

Formal Coliani səfər azərboyconiku bə suriya ğaz təchizoti mıloğaton barde anqıl votə bıboən, realədə səfər de vey qeosiyosi məsəlon həlli anqıle.

1️⃣ İminə  məsələ əve ki, həm Coliani, həmən azərboyconi rəhbərəti  çe Tırkiyəku bə şıkrən, çəvon nəzorətədən. De Tırkiyə vositə "Yolə Turan" proyekti muəllif britaniya kəşfiyoti bandin. Colani və Əliyev didori məğsədən sateliton miyonədə əloğon onoe, suriyə vahabi təcrubə bə azərboyconi silohinə ğıvvon dəvoneye.

2️⃣ Dıminə məsələ, Əliyevi de sionist rejimi əloğon ğoym be bo hiçki sırr ni.  De Boku vositə Colani de Tel-Əvivi əlaqə oğətedə. Colani ətrofədə mənbon çəy de sionist rejimi mınasibəton ğoym karde,  zəbt kardə zəminonədə israili statusi zıne tərəfdor be iddio kardedən.

Joğo bə holədə RF, İİR, ER ımoni nəzəku vitvonə nin, bə britaniya marianeton həmmə qəmmi dığğət kardə nin, çumçoku suriya terrorə daston bə ğərəboğ iyən əfqaniston təxliyə karde eçın qətə bedə.