Tırkiyə bə seonist rejimi sanksiya noə kəson cərqə, anqıl qıniye
Bə Ğəzzə canqi etırozədə, Tırkiyə de seonist rejimi ıştə ticori rabitəon oqətəşe.
Bə Tele-Rədio aqentiyəti raporti əsos, zinə Pencşəmbə Tırkiyə ticori vəzorətxonə qıləy bəyoniyədə təsdiğış kardə ki bə sionist rejimi məğsəd, ixracat və varid bey prosses be hərəkət mandəş.
Çimiku bənav, Tırkiyə prezdent Rəcəb Təyyeb Ərdoğan de Ğuds işğolçiyə rejimi həmmə ticori rabitəon ğət kardey əmriku xəbəş doə be.
Zinə Tırkiyə xarıci koon vəzir Hakan Fidan həm elonış kardə: Ankara ğoym surət hədəfış heste ki Ğəzzə tanqə və Fələstini co qılə məntəğəonədə bə Fələstinıjon ələyh sionist rejimi cinoyəton xoto, məhkəmə beynəlxalğədə ım rejimi ələyh bə Cənubi Afrika şikoyət anqıl bıqıno.
Milodi 2023 minnə sori Oktiyabrə manqi 7 minnə rujiku sionist rejim be diğğət bə məntəğə və beynəlxalğə muxalifəton həmçınan bə Ğəzzə tanqə həmlə kardey holədəy, tosə ısət ım həmləon cərəyonədə 34 həzo 596 Fələstinıjon şəhid və 77 həzo 816 nəfər həm zəxmin bıən.
