İ Bıə Milləton Təşkilot Şuraədə Pokistoni uzviyət

Pokiston bo 8minnə kərə bənə İ Bıə Milləton Təşkiloti əmniyyət şura ğəyri daimə uzv vıjniyə bıə.

Bə Tele-Rədio aqentiyəti raporti əsos, canq nomo rujnomə ıştə təhlili baxşədə Pokistoni bənə İMT əmniyyət şura ğəyri daimə uzvi vıjniye, İslom Abadi torixi və diplomatiya vey muhimmə muvəffəğiyət zınəşe və nıvıştəşe: Pokistoni iminnə vəzir, Şəhbaz Şərif vottəşe: ım ki 185 qılə kişvəri miyono, 182 qılə kişvər bə Pokiston mısbətə sədo doəşone nışo dodə ki dınyo sulh və əmniyyətiro İslom Abadi cəhdon və nəzəon təsdiğ bıə.

Pokistoni xarıci vəzir iyən iminnə vəzir Eshağdor həm ım məsələ bə Pokistoni millət təbrik votışe və təkidış kardə ki İslom Abad bə İ Bıə Milləton Təşkiloti əmniyyət şura əmri əsos, beynəlxalğ əmniyyət və sulhi hədəfon cəhətədə bəştə roli ifo bəkay.