Ərağçi:İron bə seoniston bob vaxt və formədə reaksiyə bədoe
Ərağçi:İron bə seoniston bob vaxt və formədə reaksiyə bədoe
İroni Xarici Koon Vəzir çe israyil rejimi bə İroni oxonə hucumi işorə kardə holədə voteşe: İslomi Respublikə reaksiya nışon doey həxonku dastış kəşəni və çəy vaxtədə və bəy bob qıləy şikilədə reaksiyə bədoe.
Bə Səhab xəbə aqentəti və bə Mehr xəbə aqentəti istinodən doə məlumoti əsos,İroni Xarici Koon Vəzir Seyd Əbbos Ərağçi de İslomi İnğılobi Muhafizə Korpusi Sər Ğərorqo komandiron iyən heyəti bıə vindemonədə votəşe:İroni rəsmi şikilədə bə beynəlxalğə ictimoiyyəti bəyon kardəşe ki,seonist rejimi bə İroni zidd oxonə hucum qıləy nuyə həmləy və bəpe ıştə cəvobi bıstəno.
Ərağçi “Sadığ 3” əməliyyoti bə həyot dəvordıney vaxti həm işorə kardə holədə votəşe: Xususən oxonə 12 manqi dırozi İron vey ağılmand və de diroyəti rəftroış kardə və çəy ğəroron emosiyonal bıəni.bo “Sadığ 3” əməliyyoti həm eyni vəzyət bəbe.
Canqi navi qətə çi bo muharibə hozzıəti bey bəyon kardə İroni diplomatik sistemi rəhbəri əlovəş kardə:təhdid kardə dışmenon tərəf mığobilku zəyifəti çəş kardedən,əqər zəyifəti bıvindon,bəvədə ıştə koon bəvindeyn.bəhisob həm canqi şərayitədə mehkəm mandey vey vocibe.İroni Xarici Koon Vəziri meydoni de diplomatiya ibeyış bəyon karde və voteşe ki, diplomatiya bə zu əsos hərəkət kardedə və zu nıbo,diplomatiyaku hiççi bə dast vardey nibəbe.
