Rusiyə və Amerkə miyono hərbi daveon əlovə bey
De diğğət bə Moskva ələyh Vaşinqtoni daşmənçiyə hərəkəton xususi de Amerkə silohon istifodə kardey vositə bə Rusiyə sərzəmin Ukrayna həmləon icozə, Amerkə və Rusiyə miyono hərbi daveon əlovə be. Eyni holədə bə Amerkə rəhbəriyəti NATO deşmənçiyə nəzəon reaksiyaədə Rusiyə pidəşe dəvardəku vey, stratejikə atom ğıvvon zumand bıkon.
Həminə məsələ barədə, Moskva tərəfo oxonə nəzəzon, Cımə rujədə Rusiyə prezdent, Veladimier Putin elonış kardə ki pidəşe Rusiyə atom 3curnə ki stratejikə bomba ğandey, bə atom rəketon təchiz bıə sınof hardə kəştion və balistik atom rəketon inkişof bıdə. Putin de hərbi ali təlimi muəsisə diplom sıeyə kəson iclosədə votışe: çəmə bərnoməon atom 3curnə təchizaton vey inkişof doeye ki dınyoədə bənə ğudrəti hifzəkə və stratejikə mudafiə qarantiya bə hisob omeydə.
