Rusiyə səfir: Ğəzzədə 3 mərhələ otəşvəsi plani icro kardero ruşinə xosyətonış ni

Dışəmbə rujədə İ Bıə Milləton Təşkilotədə səfir və dimə nımoyəndə Ğəzzəro Amerkə himoyə bıə 3 mərhələ otəşvəsi planiku tənğidış kardə və votışe ki ım plan icroro ruşinə xusiyətonış ni.

Bə İrna raporti əsos, İ Bıə Milləton Təşkilotədə səfir və dimə nımoyəndə Vasili Nebenziya qıləy xəbəiyə iclosədə əmniyyətişura ğətnomə icro bey barədə ki de Amerkə prezdent Co baydeni vositə elon bıə otəşvəsi təklifiku himoyə kardedə, cəvobış do.

Nebenziya de təkid bə ım ki təcili otəşvəs bəpe əvvəl Əmniyyət şura səmtiku tələb bıbu, ijən votışe :Amerkə təklif de oşko surəti bə otəşvəsi mevzu ayid ni.

Nebenziya ijən votışe ki Rusiyə bə ım ğətnomə betərəfə sədo doşe boçi ki pidəş ni ki qıləy ğətnomə imzo bıko ki çəy hədəf, icro və zəmon təyin bıə ni.