Boçi Azərbaycan Respublika çı İmom Huseyn(ə) əzo mərosimonku tarsedə?
Ha sor Məhərrəmə mo əyyom iyən rujon nəyinki,fəğət Şiyə kişfəronədə,bəlkəm hətto ğeyri-İslomi kişfəronədə həm bərpo beydə və de bın məmləkətonədə jiyə şiəyon təvəssıti İmom Huseyni(ə) əzodorəti mərosimon ğeyd kardey beydə və devləton həm bə ın əzodorəti mərosimon bərpo kardey maney beydənin.
Azərboycon respublikədə çandə sorone ki,bın kişfərədə İmom Huseyni(ə) əzodorəti mərosimon ğeyd kardey ğədəğən bıə.qıləy məsələ ki,de çın kişfəri Əhli-Beyti(ə) aşığon iyən dindorə milləti ğlbiyə meyli ziddiyyət təşkil doydə.
İmom Huseyni(ə) əzodorəti mərosimon bərpo kardeyku çe Azərboyconi hukuməti tars iyən vohiməş bıə umdə dəlil,çe şiəyon məçitonədə məxsusən Nardarani diyədə(İslomi partiyə fəoliyyəti mərkəz mədəni fəoliyyəton mərkəzədə iyən rayonon və hətto Boku şəhri ıştənədə bıə məçitonədə bıə şiəyon cəm iyən bə ivrə qırdə bıeye.
In şiddətinə məhdudiyyəton qıləy holədəy ki,həzrət Əba Əbdullah İmom Huseyni(ə) əzodorəti mərosimon navnə soronədə vey hevujə şikilədə Azərboycon respublikədə bərpo beydəbe.əmmo Azərboyconi hukuməti ısət de əmniyyəti iyən polisi tənzimi de hiç qıləy vəchi bo məçitonədə təziyə iyən əzodorəti mərosimon ğeyd kardey icozə doydəni və de ın cur hərəkəton de şiddəti rəftor kardedə.əvon hətto hırdənon həm Məhərrəmə manqədə bə İmom Huseyni(ə) əzodorəti mərosimon iyən məclison daxil bıey mane beydən,haştedənin.
Boku hukuməti ın hərəkət i tərəfo çımiku hikoyət kardedə ki,hakimiyyət çe İron İslom Respublikə iyən çe Şiyə məktəbi nufuzi inkişofi bın kişfərədə pevolo bıeyku tarsış heste və co tərəfiku həm ım,çe sehyonist rejim iyən çe ilhom əliyevi ərbobon tevsiyə və sıfarışe.
Əliyevi devlət de ın təhlili ki,Azərboycon respublikədə bıə məzhəbi heyətonədə iyən məçitonədə şiəyon cəm bıə holədə çəvon miyono qıləy vəhdət iyən mərdumi miyono bə İslomə dini qıləy meyl icod bəbe və ın ko Ğəfğazi məntəğədə əliyevi hukumıəti iyən liberalizmi vırə de təhlukə dimbədim bəkarde.əve,Boku hukumət de şiddəti iyən ciddiyə şikilədə de ın əzodorəti mərosimon mıborizə bardedə ta çın cur hodisəon buruzi vəy bıqəto.
Həlbəttə,Azərboycon respublikə islomçiyon de bə mevcud şərayiti,repressiyə iyən bə devləti zılmkor iyən istibdodinə əməlon rəğmən,beko mandənin iyən hiss nıbə holədə ıştə təşəkkulon xandi kardedən,oqəteydən.çumçuko,İmom Huseyni(ə) torıxədə cari kardə nuri,zolımon əy deştə qəvon hamuş kardey nibəzıneyn...
