Azərbaycan Respublikadə dindaron dəstqir karde ijən dəvomış heste.

Haci Cəvad məçiti ətrofədə qırdə bıə islamçiyon və polis ğıvvon miyono daveon bino bıə.

Im daveon və repressivə vəziyət çəy bəpeştə bə vıcud omə ki Azərbaycan Respublika əmniyyətiyə ğıvvon bə ım məçiti ətrofədə qırdə bıə dindaron və bə məçiti xərob karde muxalifə qrupon hucumış kardə.

Bə islam Azəri sayti raporti əsos Azərbaycan Respublika əmniyyətiyə ğıvvon məçiti ətrofədə qırdə bıə dindaron yandeku co kardero repressiv hərəkəton kənoədə arson bekardə  qaz ijən dave təchizatonku həm istifodəşon kardə ki çəy nəticəku çandə dindaron zəxmin və dəstqir bıən.

Bə rəsə raporti əsos çı Azərbaycan Respublika co şəhronədə bıə islamçiyon həm ıştə komilə hozzo mandeku xəbəşon doe ta bə ım məçiti xərob karde etıroz  karde xoto Haci Cəvad məçiti kənoədə qırdə bıbon.

Etıroz əkəyon pidəşone ki Buko Haci Cəvad nomo bıə tarixiyə məçit xərob nıbu.

Çımiku bə nav Azərbaycan Respublika Buko şəhri Hac Rəhim Beyk nomo bıə məçit bə çəy xoto ki Buko obodon əkə planonədə ğərolış qəte bıə Buko hukumət tərəfiku ijən şəvədə  xərob bıə.