Çin: AİŞ sanksiyaon"ixtisodi zu tətbiğ kardeye"

Pars Tudey-Çin bə AİŞ-on 43 qılə şirkətin ələyh noə sanksiyaon məhkum kardə holədə, əvonış "ixtisodi zu tətbiğ kardey zıneşe.

Pars Tudey bə İroni Tele-Rədyo Aqentəti istinodən doə məlumoti əsos,Pekin işambə ruji AİŞ-on 40-sə ziyodə Çin şirkəti və onemonon bə sanksiya siyohi əlovə kardey qəmış məhkum kardə və bo Çini şirkəton mənafeyon mıdofiyə kardey təkid kardəşe. Çini Ticorət Vəzirəti sıxanəvot çı AİŞ-on ım qəmi bə hiç qıləy faktiki əsosi nıbey təkid kardəşe və Vaşinqtonış de məcburi ko və insonə həxon darıştey iddiyon bo itərəfinə sanksiyaon tətbiğ kardero bənə qıləy bəhonə istifodə kardeyədə mıttəhəmış kardə. Çini hukuməti elonış kardə ki,boştə kişfəri şirkəton mənafeyon xandi kardero lozımi tədbiron bəvinde.