Boku de İron hərbiyə həmkarətion hevuj karde niyyətdəy.
Nov 24, 2016 07:02 Asia/Tehran
De İron İslam Respublika tojə vəziri Azərbaycan Respublika mudafiyə vəziri vindımonədə hərbiyə baxşədə bə 2 tərəfə həmkarətion inkişaf doe işarəş karde.
Bə Fras aqentəti beynəlxalğə qrupi voə bə xəbon əsosi Azərbaycan Respublika mudafiyə vəzir Zakir Həsənof zinə Boku şəhrədə bə ironi tojə səfir Cəvad Cəhanqirzadə vindımonədə hərbiyə həmkarətion iyən hərbiyə təlimon həmçinin hərbiyə baxşonədə tib iyən səhiyyə əlağon həxədə votımon bı.
ironi səfir həm cəvobədə 2 qılə məmləkəti əlağon məxsusən hərbiyə baxşədə bə əlağon inkişaf doeyu nəzədə bə fəaliyyətonku xəbəş do.
Cəhanqirzadə Bokuədə bə ironi hərbiyə kəşti huzuri işarəş karde və ommidvar mande ki jıqo məmoriyəton hərbiyə baxşonədə bə 2 qılə məmləkəti həmkarətion inkişafi bois bıbo.