Şeyx Sərdar Haci Həsənli həbsi mıddət ujnən dıroz bıə.

Masalli şəhri məhkəmə ujnən çı Azərbaycan Respublika məşhurə ruhani həbsi mıddəti dırozış kardə.

Bə islam Azəri sayti raporti əsos Haci Şeyx Sərdar Həsənli vəkil Cəvad Cəvadov elanış kardə: məhkəmə tojədən de ğazi Nemət Musəyevi hukmi təsdiğış kardə ki Sərdar Həsənli ujnən bo 20 ruji mıddət zindonədə həbs bıbu.

Xəbəon jıqo hikayət kardedə ki məvuji ım hukm 30 ruj bıə be əmmo de vəkili etırozon bərobər bə 20 ruj rəsə.

Ğeyd bıkəmon ki Haci Sərdar Həsənli çı Masalli Tolışə şəhri cumə İmom de  be əsosə ittihamon bə həbs məhkum bıə.

Masalli icra hakim qıləy ləğinə hərəkətədə bə çəy xoto ki ım məşhurə ruhani fevrali 22 ədə ijən çın şəhrədə cumə nımoji əzəmətin dəvoniyəş bıə Haci Həsənliku şikoyətış kardə və boiys bıə ki sıftədə məhkəmə əvışon 37 ruj zindonədə həbs bıkən.

Eyniholədə çandə dini şəxsiyəton və Azərbaycan Respublika iyən Rusiyədə islamçiyon ıştə etırazətinə bəyoniyəonədə çı Masalli məşhurə ruhani həbsi məhkumışon kardə ijən votışone ki jıqonə be asosə ittihamon və həbson karde ni bəzne islam dini zəif bıkə.

Əhli Beyt(Ə) icma  həm Azərbaycan Respublika kişvərədə Hac Şeyx Sərdar Həsənli həbs karde hadisəş məhkum kardə.