Ğəzaxıstan təkidış kardə ki İron bəbe Şanxay həmkari təşkilatdə uzv bıbu.

Ğəzaxıstani xarıci vəzir votışe: bo İroni kamilən Şanxay nomo bıə həmkari təşkilatdə uzv kardero əmə çı İroni tələbon təsdiğ kardero hozzomon.

Bə İrna raporti əsos çı Ğəzaxıstani xarıci vəzir Ğeyrət Əbdul Rəhmanof Şanxay təşkilati uzv bıə kişvəron xarıci vəziron iclosədə omidvar mandə ki: çın təşkilati uzvon çı İron və co nazirə kişvəron tələbi Şanxay həmkari təşkilatdə bənə daimə uzvi rəsmi sorətədə ğəbul kardero əməl bıkən.

Qıləy holədə İron ğərare çı Şanqhay təşkilatdə bənə daimə uzvi ğəbul bıbi ki 2008 minə soriku İron ıştə rəsmi tələbon həminə həmkari təşkilatdə daimə uzv beyro elanış kardə bıə be əmmo, de ətomiyə bərnoməom bəhonə və bə İroni zidd embarqon təsdiğ bey xoto Şanxay təşkilat həm çı İroni tələbi hələ jəqo haştəş bıə.

Şanxay həmkari təşkilat qıləy siyasi, hərbi və iğtisodiyə təşkilat heste ki 1996 ədə Çin, Ğəzaxıstani, Rusiyə və Tacikiston kişvəron tərəfiku bino və təəsis bıə.

Çand sor bəpeştə Ozbəkiston həm bə həminə təşkilat izofə bıə.

İron çı Şanxay təşkilati qıləy nazirə uzve.